Maikl duglasi amerikeli msaxiobi
მთავარი | კონტაქტი | რეკლამა

    • პარტნიორები

    • Mcvane.Ge გთავაზობთ კომპიუტერულ მომსახურებას ადგილზე მისვლით. WINDOWS სრული პაკეტი 20 ლარიდან.            კარტრიჯებისდამუხტვა , პრინტერების შეკეთება.     WI-FI ქსელის მოწყობა. კომპიუტერის დიაგნოსტიკა, გაძლიერება, აწყობა.

      ტელ:   (0790) 635 446                 (592) 635 446

    გამოკითხვა

    
    გსურთ თუ არა საიტზე მეტი სერიალების დამატება? [?]
    რა თქმა უნდა...
    მაგას კითხვა უნდა???
    მოგვაწყვიტე თავიდან!!!
    ქართულად დუბლირებული სჯობს ;)

  •  (ხმები: 1)
    ავტორი: eleniko თარიღი: 3-05-2013, 06:38 ნახვები: 2820

    მაიკლ დუგლასი / Michael Douglas - ამერიკელი მსახიობი

    მაიკლ კირკ დუგლასი (ინგლ. Michael Douglas; დ. 25 სექტემბერი, 1944) — ორი ოსკარისა და სამი ოქროს გლობუსის მფლობელი ამერიკელი მსახიობი და პროდიუსერი. პირველად ოსკარი აიღო 1975 წელს როგორც პროდიუსერმა ფილმისთვის „ვიღაცამ გუგულის ბუდეს გადაუფრინა“, ხოლო მეორედ ამერიკის კინოაკადემიის მთავარი ჯილდო მიენიჭა როგორც მსახიობს, ფილმში შესრულებული როლისთვის „უოლ-სტრიტი“. იგი ცნობილი მსახიობის კირკ დუგლასის შვილია. ჰყავს სამი ძმა.

    მაიკლ დუგლასი დაიბადა ნიუ-ჯერსის შტატის ქალაქ ნიუ-ბრანსუიკში, მამამისის ამერიკელი მსახიობის კირკ დუგლასისა და დედამისის ეროვნებით ბერმუდელი მსახიობის დიანა დილის ოჯახში. მისი ბაბუა ჰარი დემსკი და ბებია ბრინა დემსკი იყვნენ ებრაელი იმიგრანტები ბელორუსიიდან (რომელიც იმ დროს რუსეთის იმპერიის ნაწილი იყო). მაიკლის დედა და მისი მშობლები იყვნენ ბერმუდის კუნძულების ერთ-ერთი პროვინციის — დევონშირის მკვიდრნი. 1968 წელს კონექტიკუტში სწავლობდა ჩოატეს მოსამზადებელ კოლეჯში. კალიფორნიის უნივერსიტეტში (სანტა-ბარბარა) მიენიჭა ხელოვნების ბაკალავრის წოდება. სამსახიობო ხელოვნებას ეუფლებოდა ნიუ-იორკის ერთ-ერთ თეატრში.
    დუგლასმა კინოკარიერა დაიწყო 1960-იანი წლების ბოლოსა და 1970-იანი წლების დასაწყისში, სადაც როლებს ღებულობდა ნაკლებად ცნობილ ფილმებში. პირველი მნიშვნელოვანი როლი მიიღო სერიალში „სან-ფრანცისკოს ქუჩებში“, რომელიც ოთხი წლის განმავლობაში გადიოდა. 1975 წელს მაიკლმა კირკ დუგლასისგან მიიღო უფლება რომანზე გუგულის ბუდეზე სხვა გადაფრინდა, რომლის ეკრანიზაცია შედგა იმავე წელს და ფილმმა ამერიკის კინოაკადემიის ხუთი ჯილდო მოიპოვა. ფილმში მთავარი როლი უნდა ეთამაშა კირკ დუგლასს, თუმცა მაიკლმა ჩათვალა, რომ კირკი ამ როლისთვის მეტად ხნიერია. ამრიგად ფილმში მთავარი როლი შეასრულა ჯეკ ნიკოლსონმა, რომელსაც რენდლი მაკმერფის როლის შესრულებისთვის მიენიჭა ოსკარის პრემია.
    დუგლასმა 1978 წელს ითამაშა ექიმის როლი ფილმში „კომა“, ხოლო ერთი წლის შემდეგ როლი მიიღო ფილმში „ჩინური სინდრომი“, რომელიც დასახელდა, როგორც „1970-იანი წლების ჰოლივუდის ერთ-ერთი ყველაზე საზრიანი ფილმი“. 1984 წელს ითამაშა რომანტიკულ კომედიაში „რომანი ქვასთან“, რომელიც ფინანსურად წარმატებული აღმოჩნდა. ერთი წლის შემდეგ გამოვიდა ფილმის სიკველი — „ნილოსის მარგალიტი“. მნიშვნელოვანი იყო ასევე ფილმი „საბედისწერო ლტოლვა“ (1987 წ.); იმავე წელს ითამაშა ფილმში „უოლ-სტრიტი“, სადაც შეასრულა მაგნატის როლი. ამ ფილმში შესრულებული როლისთვის დუგლასმა ოსკარი აიღო. 1989 წელს ენდი გარსიასთან და კეიტ კეპშოუსთან ერთად მიიღო მონაწილეობა ფილმში „შავი წვიმა“, რომლის გადაღებები ოსაკაში (იაპონია) მიმდინარეობდა. დუგლასმა წარმატებული მთავარი როლი ითამაშა ფილმში „ძირითადი ინსტინქტი“, შერონ სტოუნთან ერთად, რომლის რეჟისორი იყო პოლ ვერჰოვენი. 1990-იან წლებში დუგლასის მნიშვნელოვანი კინოროლებია: „მხილება“, „კმარა!“, „ამერიკის პრეზიდენტი“, „მოჩვენება და სიბნელე“, „თამაში“ და „იდეალური მკვლელობა“.
    მსოფლიო კინოში შეტანილი განსაკუთრებული მხატვრული წვლილისათვის 1998 წელს დუგლასმა აიღო ჯილდო — „ბროლის გლობუსი“. 2000 წელს დუგლასმა თავის მომავალ მეუღლესთან კეთრინ ზეტა-ჯონსთან და ბენისიო დელ ტოროსთან ერთად ითამაშა ფილმში „ტრაფიკი“. იმავე წელს კინოკრიტიკოსების მხრიდან დადებითი შეფასება მიიღო შესრულებული როლისთვის ფილმში „ვუნდერკინდები“. ბოლო წლების კინოროლებიდან აღსანიშნავია: „არაფერი არ თქვა“, „მამაჩემი გიჟია“, „გონივრული ეჭვის მეორე მხარეს“, „უოლ-სტრიტი 2“ და სხვ.

    ჯანმრთელობა

    2010 წლის 16 აგვისტოს გამოაცხადეს, რომ დუგლასს ყელის კიბო აქვს. მკურნალობა ქიმიოთერაპიით და დასხივებით მიმდინარეობდა. 2010 წლის 31 აგვისტოს დუგლასი გამოჩნდა დევიდ ლეტერმანის შოუში, სადაც დაადასტურა, რომ კიბომ მეოთხე სტადიას მიაღწია. დუგლასმა კიბოს გამომწვევ მიზეზად დაასახელა ალკოჰოლიზმი, სტრესი და თამბაქოს წევა. 2011 წლის იანვარს ინტერვიუს მიცემის დროს დუგლასმა განაცხადა, რომ სიმსივნე გაქრა.

    პირადი ცხოვრება

    1971 წელს ერთ-ერთი ფილმის „ზაფხულის ხე“ გადაღებების შემდეგ ხვდებოდა ბრენდა ვაკაროს, რომელთა ურთიერთობა გაგრძელდა დაახლოებით 6 წელს. 1977 წლის მარტში 33 წლის დუგლასი დაქორწინდა 19 წლის დიანდრა ლიუკერზე, რომელიც იყო ავსტრიელი დიპლომატის შვილი. 1978 წელს მათ შეეძინათ შვილი კამერონი. 1997 წელს დიანდრა დუგლასს გაეყარა.1999 წლის მარტში დუგლასმა გაიცნო მსახიობი კეთრინ ზეტა-ჯონსი, ხოლო ერთი წლის შემდეგ წყვილი დაქორწინდა. ჰყავთ ორი შვილი.









    კომენტარები


რეკლამა



ქართულად ნათარგმნი ფილმები, qartulad natargmni filmebi, qartulad gaxmovanebuli filmebi, qartlad, natargmni, filmebi, kino, ქართულად, ნათარგმნი, dublirebuli, დუბლირებული, filmebi, ფილმები, mouvies, geo, გახმოვანებული, ინდური, induri, multfilmi, მულტფილმი, klipebi, კადრი, lenta qartulad dublirebuli filmebi, qartulad natargmni filmebi, filmebi qartulad, qartulad gaxmovanebuli, induri filmebi, kino qartulad, geo, teteqtivi, boeviki, ფილმები ქართულად, ქართულად დუბლირებული, გახმოვანებუ, ქართულად ნათარგმნი ფილმები,